Ish-drejtuesja e Byrosë Kombëtare të Hetimit, Aida Hajnaj ka bllokuar garën e hapur nga Policia e Shtetit, për “Drejtor Departamentesh”. Aida Hajana kërkon që të rikthehet në polici si zv.drejtoreshë e përgjithshme, ose drejtoreshë departamenti, por me ndryshimet e fundit që janë bërë në ligjin për Policinë e Shtetit, çdo dretjues që synon të marrë një pozicion të tillë duhet të futet në garë, në mënyrë që të marrë detyrën.
Pavarësisht kësaj Aida Hajana kërkon të vendos “veton”, për të mos pyetur për ligjin e ri në polici që parashikon konkurs dhe me një padi në Gjykatën Administrative kërkon që gara të mbetet pezull derisa të shprehet “Administrativja”. Hajna kërkon që të emërohet në postin e drejtuesit të Departamentit, pa hyrë fare në garë, gjë e cila bie në kundërshtim me ligjin.
Madje në ligjin e ri, parashikohet që garuesit në konkurs duhet të vijnë nga radhët e policisë, por Aida Hajna ka 5 vite që është larguar nga Policia e Shtetit.
Një pjesë e garës për “Drejtor Departamenti në Policinë e Shtetit” u hap në muajon tetor, ndërsa faza e aplikimeve do të qëndrojë e hapur deri në datën 11 nëntor të këtij viti. Por pavarësisht, kësaj, Aida Hajna, nuk është bërë pjesë e garës. Nëse do të ishte pjesë e garës, në rast se do të siguronte pikët e mjaftueshme, sërish sipas ligjit, Aida Hajna nuk do të mund të bëhej Drejtuese Departamenit. Pasi kjo është kompetencë e Ministrisë së Brendshme. Pra Drejtori i Përgjithshëm I Policisë së Shtetit, zgjedh tre emrat e më të mirëve në garë dhe i sugjeron në Ministrinë e Brendshme dhe është kjo e fundit që vendos.
Seanca për këtë cështje pritet të mbahet më 11 nëntor në gjykatën Administrative, afat ky ku parashikohet të mbyllet edhe faza e aplikimit për konkursin në polici për “Drejtor Departamenti”.
Hajnaj ka drejtuar BKH-në për 5 vite ndërsa mandati i saj përfundoi më 1 shtator të këtij viti. Edhe pse ka të drejtën e rikandidimit, Hajnaj nuk u përfshi në garën për kreun e Byros Kombëtare të Hetimit.
