Erzeni tregton djathë të mykur, AKU merret me etiketat e baxhove në Fier
Autoriteti Kombëtar i Ushqimit ka bllokuar disa qindra kilogramë produkte bulmeti në një baxho në Fier.
Në një njoftim zyrtar për mediat, Autoriteti Kombëtar i Ushqimit sqaron se gjatë kontrollit trupa inspektuese konstatoi se subjekti ushtronte aktivitetin në mungesë të sistemit të gjurmueshmërisë së produkteve ushqimore, nuk implementonte sistemin e vetëkontrollit (HACCP), si dhe tregtonte produkte pa etiketë.
Por në një kohë kur AKU sekuestron djathë pa etiketë nga baxhot, kompani të mëdha si Erzeni rrezikojnë shëndetin e qytetarëve duke tregtuar djathë të mykur para datës së skadencës.
Disa ditë më parë, një qytetar denoncoi në media se kishte blerë djathë dhie të markës “Erzeni” me afat skadence deri më 17 prill, por produkti rezultonte i prishur dhe me shenja të dukshme myku, ndonëse ndodhemi ende në muajin shkurt.
Marre nga BoldNews.al
