Portugezi po mbronte një vajzë, versioni që rëndon të fortët e Principote
Miqtë e portugezit të vrarë në Shqipëri thonë se i riu po përpiqej të ndihmonte një vajzë të ngacmuar. Grupi që ishte me Luís Miguel Varela Mendes, 20 vjeç, thotë se i riu u përpoq të ndërhynte për të ndaluar një rast ngacmimi ndaj një vajze.
Miqtë e Luís Miguel Varela Mendes, 20-vjeçarit portugez që u vra me thikë në orët e para të mëngjesit të së martës, në qytetin bregdetar shqiptar të Ksamilit, i kanë thënë policisë vendase se viktima vdiq pasi ishte përpjekur të ndalonte një rast ngacmimi ndaj një vajze.
Sipas disa mediave shqiptare, të rinjtë kanë dhënë dëshmitë e tyre në polici pasditen e kësaj të enjteje. Ata kanë përshkruar se ishin përballur me një grua që po ngacmohej në rrugë.
Luis Mendes, sipas dëshmisë së tyre, ka qenë i pari që është përpjekur ta ndalonte situatën.
Sokrat Vata, i dyshuari kryesor për vrasjen, thuhet se ishte pjesë e grupit që po e shqetësonte vajzën.
Debati mes shqiptarëve dhe grupit të Luís Mendes vazhdoi deri te radha e hyrjes në një resort të qytetit, ku policia vendase beson se ka ndodhur vrasja.
Trupi i Luís Mendes vazhdon të qëndrojë në Shqipëri, ku do t’i nënshtrohet autopsisë. (CM JORNAL)
Vrasja e turistit te Principote, aksione në Vorë, Tiranë e Kukës për Bekim Bulica e Daniel Gjana
Vrasja e portugezit te Principote, dëshmitë: Nuk e pamë sherrin!
EMRAT/ Policë, bodigardë dhe pronari Bekim Bulica, 11 të arrestuar për vrasjen te Principote
Tmerri te Principote! Portugezi u vra brenda, u nxorr në rërë dhe e lanë aty
Vrasja te Principote Ksamil, shoqërohen 34 persona të stafit
E PLOTË/ MËNGJESI I PËRGJAKUR NË KSAMIL! Kush janë 13 personat e përfshirë në vrasjen e turistit
E PLOTË/ Si ndodhi vrasja e turistit te Proncipote në Ksamil!
