Tiranë – Arrestohet 23-vjeçari që hiqej si shofer i SPAK për të mbrojtur ndërtimin pa leje
Policia e Tiranës ka arrestuar një 23-vjeçar, të identifikuar si Romario Ibraliu, i cili akuzohet për veprën penale të ndërtimit pa leje.
Sipas burimeve zyrtare, i riu kishte ndërtuar një banesë pa leje dhe, në momentin që inspektorët e IMT shkuan për të kontrolluar dokumentacionin, ai u prezantua si shofer i kancelares së SPAK, duke i “kërcënuar” që të mos procedohej ndaj tij.
Pas verifikimeve, rezultoi se Ibraliu nuk kishte asnjë lidhje pune me Prokurorinë e Posaçme. Ndërtimi i paligjshëm u konstatua nga IMT dhe rasti u referua menjëherë në organet ligjzbatuese për hetime të mëtejshme.
