Si u vra Ilir Lika në Laç, policia: Pas debatit kërciti arma
Të shtëna me armë zjarri janë regjistruar mbrëmjen e sotme në qytetin e Laçit, ku si pasojë e ngjarjes ka humbur jetën shtetasi Ilir Lika, Ilir Gjini, alias Lika, alias Kokaj, alias Nure, rreth 40 vjeç.
Sipas informacioneve paraprake, dyshohet se viktima është qëlluar me armë zjarri tip kallashnikov. Banorë të zonës kanë raportuar se para të shtënave është dëgjuar një debat i fortë pranë banesës ku ndodhi ngjarja.
EMRI/ Të shtëna me armë zjarri në Laç, raportohet për një të vrarë
Menjëherë pas njoftimit, në vendngjarje kanë mbërritur forcat e policisë, të cilat kanë nisur hetimet për zbardhjen e plotë të rrethanave, identifikimin dhe kapjen e autorit ose autorëve të dyshuar, si dhe përcaktimin e motivit të kësaj ngjarjeje të rëndë.
Grupi hetimor po kryen veprimet procedurale, ndërsa vijon mbledhja e provave dhe marrja në pyetje e personave që mund të kenë dijeni për ngjarjen.
Rreth orës 22:10, në qytetin e Kurbinit, është qëlluar me armë zjarri ndaj shtetasit I.Gj alias I. L., alias I.K, alias I. N, rreth 40 vjeç. Ai është transportuar me urgjencë drejt Spitalit të Traumës, por ka humbur jetën gjatë transportimit.
Shërbimet e Policisë, menjëherë pas marrjes së njoftimit, kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/autorëve.
Ndërkohë, është ngritur grupi i posaçëm hetimor, i cili, nën drejtimin e Prokurorisë, po punon intensivisht për fiksimin e çdo prove që do t’i shërbejë hetimit, me qëllim zbardhjen dhe dokumentimin ligjor të ngjarjes, si dhe identifikimin dhe kapjen e autorit/autorëve.
