FINMAN si arenë boksi
Sadik Ismailaj është sot në moshë të thyer, 82 vjeç, por emri i tij mbetet i lidhur me një nga historitë më të njohura të biznesit të tranzicionit shqiptar.
Pas më shumë se tre dekadash aktivitet, përpjekja e tij duket e përqendruar te kompania “FINMAN”, një strukturë holding që mbledh një rrjet të gjerë shoqërish, ku përfshihen “AlbStar”, “Manastiri Resort”, “Arena Center”, “ASAB”, “AM Rentals”, “AOS”, “ANGS”, “Fintrade”, “Prodev”, “Motus” dhe kompani të tjera.
Në dokumentet publike të QKB, ortakë në “FINMAN” rezultojnë Sadik Ismailaj, Idajet Ismailaj, Jonuz Ismailaj dhe Rajmonda Agalliu, e lindur Ismailaj.
Pra, përveç baba Sadikut, pjesë e strukturës janë edhe fëmijët e tij. Interesat e Rajmonda Agalliut në këtë kompani përfaqësohen nga djali i saj, Sokol Agalliu.
Pikërisht këtu nis edhe dimensioni më i rëndë i ngjarjes. .
RAjo është një konflikt brenda vetë familjes Ismailaj, ku nipi akuzon dajën dhe djalin e tij për përvetësim fondesh dhe pronash brenda grupit.
Personi i akuzuar për dhunën ndaj Sokol Agalliut është Idajet Ismailaj, daja i tij.
Në këtë mënyrë, një mbledhje e bordit të “FINMAN” është kthyer në një përplasje të hapur familjare, me grushte, kërcënime dhe akuza për vjedhje të shumave të mëdha.
Sot, në moshë pensioni, Sadik Ismailaj sheh se si fëmijët dhe nipërit e tij përplasen për pasurinë që ai u trashëgoi.
Por kjo histori nuk është vetëm dramë familjare.
Ajo ka edhe një dimension publik, sepse bëhet fjalë për një grup biznesi që prej vitesh ka qenë i lidhur me projekte të mëdha ndërtimi, resorte turistike, prona strategjike dhe tendera publikë.
“FINMAN” nuk është një kompani e zakonshme. Përmes këtij grupi, familja Ismailaj kontrollon disa prej shoqërive më të njohura në sektorin e ndërtimit dhe zhvillimit të pronave.
Mes tyre spikat “AlbStar”, e cila sipas raportimeve publike rezulton të ketë përfituar mbi 100 milionë euro tendera publikë, një pjesë e konsiderueshme nga ARRSH dhe Fondi Shqiptar i Zhvillimit.
Emri i grupit është lidhur ndër vite edhe me projektin e diskutuar “Manastiri Resort” në zonën e Butrintit, me debatin për ndryshimin e kufijve të parkut të mbrojtur dhe me shqetësimet për betonizimin e zonës së Gjirit të Manastirit.
Pikërisht për këtë arsye, problemi nuk qëndron vetëm te pyetja se kush ka të drejtë në konfliktin mes Idajet Ismailajt dhe Sokol Agalliut.
Këtë duhet ta zbardhin organet përkatëse. Në histori të tilla, ku në mes janë miliona euro, prona dhe kontroll kompanish, ekziston gjithmonë mundësia që palët të rëndojnë akuzat ndaj njëra-tjetrës në luftën për pushtet brenda grupit.
Por ajo që mbetet shqetësuese është tjetër gjë.
Kur një familje nuk arrin të administrojë pa dhunë dhe pa akuza të rënda pasurinë e vet, pyetja që lind natyrshëm është se çfarë garancie kanë qytetarët kur të njëjtat struktura menaxhojnë apo përfitojnë projekte madhore publike.
Përplasja brenda familjes Ismailaj nuk është më vetëm një çështje private.
Ajo ngre pikëpyetje mbi mënyrën se si janë përqendruar prona strategjike, resorte turistike dhe miliona euro para publike në duart e një grupi që sot po përballet me një luftë të hapur të brendshme për kontrollin e pasurisë.rahja e Sokol Agalliut si edhe sherri i ditëve të fundit në këtë kompani nuk rezulton të jetë thjesht një përplasje mes ortakësh në një kompani private.
