Plas arma në Laprakë! Dy të plagosur
Tiranë – Një konflikt i nisur për motive të dobëta ka përfunduar me përdorimin e armës së zjarrit mbrëmjen e sotme në zonën e Laprakës, ku dy persona kanë mbetur të plagosur.
Mësohet se të plagosurit kanë marrë dëmtime në bark dhe në zonën e legenit. Ata janë transportuar me urgjencë në Spitalin e Traumës, ku ndodhen nën kujdesin e mjekëve.
Burime bëjnë me dije se dy të plagosurit janë jashtë rrezikut për jetën.
Në vendngjarje kanë mbërritur forcat e policisë, të cilat kanë nisur hetimet për zbardhjen e plotë të rrethanave të konfliktit. Vijon puna për identifikimin dhe kapjen e autorit ose autorëve të përfshirë në ngjarje.
Priten detaje të reja nga policia në vijim.
Tiranë/Informacion paraprak
Më datë 08.09.2026, rreth orës 21:20, janë paraqitur në spital, të dyshuar të plagosur me armë zjarri shtetasit Bledar Dauti., rreth 39 vjeç, dhe Dashamir Tahiri., rrerh 35 vjeç, jashtë rrezikut për jetën .
Nga informacionet paraprake, dyshohet se ngjarja ka ndodhur në zonën e “Fushës”, në Laprakë.
Shërbimet e Policisë, pas marrjes së njoftimit, kanë shkuar menjëherë në vendngjarje dhe po kryejnë veprimet e nevojshme hetimore për sqarimin e rrethanave të ngjarjes, identifikimin dhe kapjen e autorit/autorëve.
