Koncerti i Kanye West drejt dështimit! Si ia fali Edi Rama 4.2 mln euro
Me një akt normativ më 6 korrik, qeveria shqiptare ka financuar 4 milionë euro, për mbarëvajtjen e një prej aktiviteteve koncertin e artistit të njohur ndërkombëtar, Kanye west (YE).
Lajmin, e dha publikisht kryeministri Edi Rama, teksa inspektoi punimet për ngritjen e stadiumit në hyrje të Tiranës, 4 ditë para koncertit të 11 korrikut.
“Ky është një event i organizuar tërësisht nga grupi privat, partnerë shqiptarë, gjermanë, turq që kanë marrë përsipër gjithë këtë ndërmarrje kolosale dhe shteti shqiptar është detyruar të ndërhyjë vetëm dje për të dhënë jo dhjetëra e miliona euro siç thonë sorrat dhe korbat e bulevardit, por 4 milionë”, tha Rama.
Në aktin zyrtar i cili ka fuqi të menjëhershme shkruhet se vendimi është marrë për “financimin e pjesshëm të organizimit dhe të mbarëvajtjes së një aktiviteti kulturor-turıstık, me ndıkım në promovimin e turizmit dhe të imazhit të Republikës së Shqipërisë”.
Kur urgjenca bëhet koncert: 400 milionë lekë për Kanye West me akt normativ
Sipas dokumentit eventi është në rrezik dështimi.
“Nevoja për ndërhyrje financiare ka lindur si pasojë e krijimit të një situate objektive dhe të paparashikueshme gjatë fazës së organizimit të aktivitetit, e cila ka sjellë rritje të konsiderueshme të kostove dhe nevojën për përmbushjen e disa detyrimeve kontraktore me rëndësi thelbësore për realizimin e tij”, thuhet në relacionin e aktit normativ.
