Një debat për dritat e makinave, dyshohet se ka sjellë një konflikt që I kushtoi jetën biznesmenit Eduardo Sarchi në zonën e Salarisë në Tepelenë. Kjo ka dal nga dëshmitë e personave që kanë qënë bashkë me biznesmenin 44 –vjecar dhe kanë parë ngjarjen. AbcNews, mëson se autori I dyshuar për të cilin po punohet për ta kapur, është besdisur nga dritat e makinave që kanë pasur viktima Eduardo Sarchi, dhe miqtë e tij Eqrem,Daniel dhe Gazment Braçi. Në këtë situatë sipas dinamikës së ngjarjes, ka pasur fillimisht një debat mes tyre dhe sherri ka përfunduar në përdorimin e armës së zjarrit. Policia ka arritur të identifikojë autorin e dyshuar, I cili ka qëlluar në drejtim të biznesmenit Eduardo Sarchi, ku një plumb e ka kapur në këmbë duke I carë arterien kryesore dhe duke I shkaktuar vdekjen.
Ka dyshime se autori, mund të jetë panikosur, për shkak se edhe biznesmeni Eduardo Sarchi dhe miqtë e tij kanë qënë të armatosur.
Në vendin e ngjarjes nuk janë gjetur gëzhoja, pasi autori dyshohet të ketë pasur një armë gjuetie që gëzhojat I nxjerr manualisht. Në vendin e ngjarjes, janë gjetur 2 dëmtime në makina ndërsa një plumb ka kapur biznesmenin. Sipas policisë, dyshohet se edhe një nga miqtë e biznesmenit Sarchi mund të jetë kundërpergjigjur me armë zjarri autorit që më pas është larguar në drjetim të tepelenës.
Në total policia po punon për kapjen e të paktën 3 personave që mund të kenë dijeni për ngjarjen, ndërsa një prej tyre është edhe autori që dyshohet se ka kryer vrasjen.
