Pamjet që qarkullojnë në rrjetet sociale, ku pretendohet se një avion i kompanisë Wizz Air ka marrë flakë në aeroportin e Rinasit, janë të pavërteta dhe të prodhuara me inteligjencë artificiale.
Nga verifikimet rezulton se imazhet nuk përkojnë me asnjë ngjarje reale të ndodhur në aeroportin e Tiranës.
Një nga elementet që dëshmon manipulimin është vendndodhja e gomave: avionët Airbus, që përdor Wizz Air, i kanë gomat në pjesën qendrore të trupit dhe jo në krahe, siç shihet në foton e rreme.
IMAZH I PAVERTETE
Ndërkohë, Aeroporti Ndërkombëtar i Tiranës reagoi duke sqaruar se lajmet për zjarr apo incident janë montim imazherie dhe janë krijuar për të përhapur panik.
“Operimet në Aeroportin Ndërkombëtar të Tiranës vazhdojnë normalisht dhe pa asnjë incident. Siguria e pasagjerëve dhe e fluturimeve është dhe do të mbetet prioriteti ynë kryesor,” – thuhet në reagimin zyrtar të aeroportit.
