KLSH: Shteti vjedh sigurimet e të burgosurve që punojnë, humbin vitet e pensionit
Edhe pse shteti është ai që do të duhej i pari të kujdeset për zbatimin e ligjit, kjo jo vetëm që s’ka ndodhur, por konsiderohet normalitet dhe askush nuk është shqetësuar që të dënuarve t’u paguhen sigurimet shoqërore. Këtë situatë në kufijtë e skandalit e ka zbuluar një audit i Kontrollit të Lartë të Shtetit, ku thuhet se: “Nga auditimi ka rezultuar se përgjatë periudhës 2022-2024 në IEVP-të subjekt auditimi kanë punuar përafërsisht 891 të dënuar, për të cilët është bërë një pagesë në vlerë totale 50,374,097 lekë. Megjithatë, për këta të dënuar të punësuar brenda burgjeve, nuk është llogaritur e derdhur kontributi i sigurimeve shoqërore për aksidente në punë, pleqëri, sëmundje profesionale, etj. Mungesa e pagesës së kontributit të sigurimeve shoqërore është në kundërshtim me detyrimet e zbatimit të legjislacionit në fuqi për marrëdhëniet e punës dhe sigurimet shoqërore.”
Gjetja e Raportit të KLSH-së
Gjetje nga auditimi: Nga auditimi ka rezultuar se përgjatë periudhës 2022-2024 në IEVP-të subjekt auditimi kanë punuar përafërsisht 891 të dënuar, për të cilët është bërë një pagesë në vlerë totale 50,374,097 lekë. Megjithatë, për këta të dënuar të punësuar brenda burgjeve, nuk është llogaritur e derdhur kontributi i sigurimeve shoqërore për aksidente në punë, pleqëri, sëmundje profesionale, etj. Mungesa e pagesës së kontributit të sigurimeve shoqërore është në kundërshtim me detyrimet e zbatimit të legjislacionit në fuqi për marrëdhëniet e punës dhe sigurimet shoqërore. Kjo është në kundërshtim me nenin 1 të ligjit nr. 7703, datë 11.05.1993 “Për sigurimet shoqërore në Republikën e Shqipërisë”, i ndryshuar me amendamente ligjore dhe me aktin normativ nr. 1, datë 25.1.2017; aktin normativ nr. 7, datë 30.11.2019, ndryshuar me ligjin nr. 65/2020, datë 21.5.2020; aktin normativ nr. 33, datë 11.12.2020; ligjin nr. 64/2023, datë 21.7.2023, i përditësuar, ku citohet se: “Sigurimi shoqëror i detyrueshëm është jofitimprurës, që mbron me të ardhura: a) personat e punësuar në lidhje me: ……… – pleqërinë, invaliditetin dhe humbjen e mbajtësit të familjes; – aksidentin në punë dhe sëmundjet profesionale; – papunësinë.
