DETAJET/ Mori armën doli në rrugë dhe plagosi shokun, si ndodhi ngjarja tragjike te ish sheshi Shqiponja
Një 17-vjeçar ka mbetur i plagosur me armë zjarri në kokë pranë shtëpinsë së një shokut të tij 19-vjeçar në Tiranë, ku ishin mbledhur duke konsumuar alkool në trotuar.
Policia arrestoi autorin e dyshuar 19-vjeçarin Rigels Sylaj, i cili mësohet se është djali i një ushtaraku. Ai kishte ftuar 3 shokët e tij. Rreth orës 1:40 të mëngjesit të së dielës, ai ka shkuar të marrë armën brenda banesës dhe po u tregonte miqëve të tij që e prisnin jashtë tek trotuari, bëhet fjalë për një pistoletë të cilën e kishte pa leje. Një pistoletë të vogël dhe me kalibër të vogël.
Gjatë këtij momenti kur i riu dyshohet se po u tregonte armën, duke ia drejtuar të miturit, pa qenë në dije se ajo kishte fishek në fole, e ka shkrehur atë duke lënë të plagosur në kokë një prej tyre. Fillimisht të rinjtë kanë njoftuar ambulancën dhe kanë deklaruar se shokun e kishin gjetur të plagosur në rrugë por mëpas policia zbuloi se kemi të bëjmë me një plagosje të pavullnetshme nga Rigels Sylaj i cili është arrestuar.
Gazetari Ervin Leka tregoi se si ndodhi ngjarja e rëndë tek Ish Sheshi Shqipnja, ku një 19-vjeçar plagosi me armë zjarri shokun e tij 17-vjeçar.
“19 vjeçari ka marrë armën rreth orës 1:40 për t’ia treguar shokëve. “Shikoni, kam një armë”, edhe kjo euphoria, të paktën sipas hetuesve, edhe për shkak të përdorimit të alkoolit, pa dashur është shkrehur. Në deklaratat që ka bërë, ka thënë se nuk isha në dijeni që arma ka qenë e mbushur dhe me fishek”, u shpreh Leka në studion e “Terminal” nga Aurora Sulçe, në A2CNN.
“Arma, deri në këtë fazë hetimi, është e 19-vjeçarit. E kishte siguruar pa leje dhe ka deklaruar se e kishte prej disa ditësh. Sigurisht, do të jenë hetimet e mëtejshme që do të përcaktojnë nëse kemi të bëjmë me përfshirjen e ndonjë familjari, për shkak se i ati ishte një ushtarak. Por, të paktën deri në këtë fazë hetimi, arma dhe sigurimi i kësaj arme është bërë nga 19-vjeçari”, shtoi gazetari.
G
