Mbajtën peng dhe rrahën klienten, arrestohen Edjola Harunaj dhe Sefedin Ahmetaj në Tiranë
Shërbimet e Komisariatit të Policisë Nr. 6 kanë arrestuar në flagrancë dy shtetas, Sefedin Ahmetaj, 63 vjeç, dhe Edjola Harunaj, 41 vjeçe, pas një konflikti të ndodhur në një dyqan elektroshtëpiakesh në zonën e Ish-Doganës.
Sipas Policisë, të dyshuarit, gjatë një konflikti për motive të dobëta me një kliente, dyshohet se e kanë kanosur, e kanë mbajtur kundër vullnetit të saj brenda ambienteve të subjektit dhe kanë ushtruar dhunë fizike ndaj saj.
Gjatë ndërhyrjes së efektivëve të Policisë, të arrestuarit kanë kundërshtuar me forcë punonjësit. Po sipas autoriteteve, Edjola Harunaj dyshohet se ka goditur për shkak të detyrës një punonjës policie, duke i shkaktuar dëmtime të lehta.
Materialet procedurale i janë referuar Prokurorisë për veprime të mëtejshme, ndërsa hetimet për zbardhjen e plotë të rrethanave të ngjarjes vijojnë
Njoftimi i Policise:
Shërbimet e Komisariatit të Policisë Nr. 6 arrestuan në flagrancë shtetasit Sefedin Ahmetaj, 63 vjeç, dhe Edjola Harunaj 41 vjeçe, pasi dyshohet se, gjatë një konflikti për motive të dobëta me një kliente në një dyqan elektroshtëpiakesh në zonën e Ish-Doganës, e kanë kanosur, i kanë hequr lirinë duke e mbajtur kundër vullnetit të saj në ambientet e subjektit dhe kanë ushtruar dhunë fizike ndaj saj.
Gjatë ndërhyrjes së shërbimeve të Policisë, këta shtetas kanë kundërshtuar me forcë punonjësit e Policisë, ndërsa shtetasja Edjola Harunaj dyshohet se ka goditur për shkak të detyrës një punonjës policie, duke i shkaktuar dëmtime të lehta.
