Kompania e lojërave të fatit Sisal Albania aktivitet kriminal në Tiranë?
Gjatë vitit 2015, pranë Inspektoriatit të Lartë të Deklarimit dhe Kontrollit të Pasurive dhe Konfliktit të Interesit (ILDKPKI) janë referuar 13 denoncime për veprimtari të paligjshme në kompaninë e lojërave të fatit, aplikacioneve softwerike dhe inovacionit dixhital Sisal Albania shpk. Denoncimet janë referuar në zbatim të ligjit për sinjalizimin e paligjshmërive në sektorin privat dhe publik. Për 6 raste sinjalizimi ILDKPKI ka përfunduar hetimin administrativ, ndërsa për 7 raste të tjera vijojnë hetimet.
Kompania e lojërave të fatit Sisal Albania është themeluar në prill të vitit 2019 në Tiranë si degë e kompanisë italiane Sisal SpA, me administratorë Massimo Ingrassia, Mario Martinelli dhe Marco Davide Festari. Kompania, me një xhiro vjetore rreth 25 milionë euro dhe fitim rreth 2.5 milionë euro, është në pronësi të Sisal SpA, me numër kodi fiskal 04900570963, me adresë në Via Tocquenville 13 Milano, Itali.
Sisal është pjesë e grupit ndërkombëtar Flutter Entertainment, që operon në lojërat e fatit. Pronari përfitues i Sisal Albania rezulton irlandezi Edward Martin Traynor. Aktiviteti kryesor i Flutter zhvillohet në Mbretërinë e Bashkuar dhe Irlandë, ku grupi përbën mbi 40% të xhiros së grupit me markat Sky Betting & Gaming, PaddyPower dhe Betfair.
