Prej disa ditësh, në rrjetet sociale po qarkullojnë pretendime se biznesmenit dhe Presidentit të BALFIN Group, Samir Mane, i është bllokuar pasaporta dhe i është ndaluar lëvizja jashtë vendit. Në lidhje me këto pretendime, zyra e medias së BALFIN Group, e kontaktuar nga InfoNews, i ka mohuar kategorikisht lajmet.
“Nuk ka asnjë bllokim apo ndalim të lëvizjes apo pasaportës së z. Samir Mane. Janë 100% fake news”.
Pretendimet janë ngritur pasi Samir Mane është paraqitur më 16 shtator në Prokurorinë e Posaçme (SPAK), por nuk rezulton të ketë asnjë vendim nga autoritetet që të konfirmojë se Samir Mane i është bllokuar pasaporta apo se ndaj tij është vendosur ndonjë masë ndalimi për të udhëtuar.
