“E godita me thikë në zemër”. Kjo është dëshmia që Hysni Patushi ka dhënë përpara policisë pas vrasjes së bashkëshortes së tij, Lumturi Palushi, 58 vjeçe, ngjarje e rëndë e regjistruar këtë 19 shtator në Tiranë.
Para uniformave blu, Patushi ka treguar versionin e tij për konfliktin që parapriu krimin. Sipas tij, mes çiftit kishte pasur debate të përsëritura, ndërsa shkak ishte bërë qëndrimi i bashkëshortes në banesën e vajzës së tyre dhe jo në shtëpinë ku çifti jetonte në zonën e Don Boskos.
Vrau gruan, dëshmia tronditëse e Hysni Patushit: Mirë ja bëra…nuk rrinte në shtëpinë tonë por tek vajza…
Ai ka deklaruar se i kishte kërkuar disa herë gruas që të rikthehej dhe të qëndronte në banesën e tyre, por ajo nuk kishte pranuar.
Hysni Patushi me thikë në dorë? Dalin pamjet teksa ikën pasi vrau gruan
Sipas dëshmisë së tij, paraditen e 19 shtatorit ai e ka telefonuar bashkëshorten për të mësuar se ku ndodhej. Ajo i ka thënë se ishte në një qendër tregtare, por Patushi më pas është drejtuar drejt banesës së vajzës, ku pretendon se e ka gjetur Lumturinë.
I pyetur për momentin kur ndodhi krimi, ai ka deklaruar se mes tyre ka nisur një debat dhe situata ka përshkallëzuar deri në përdorimin e thikës.
“Kam pasur konflikte herë pas here me gruan. Shkak ka qenë fakti se ajo nuk qëndronte tek shtëpia jonë në Don Bosko, por tek shtëpia e vajzës. I kam kërkuar disa herë gruas të qëndronte tek shtëpia jonë, por nuk pranonte”, mësohet të ketë deklaruar ai.
Më tej, ai ka rrëfyer edhe momentet e fundit para sulmit: “Në debat e sipër e kam goditur me thikë në zemër”.
Ngjarja ndodhi në një kompleks pallatesh pranë Zogut të Zi, në prani edhe të familjarëve. 58-vjeçarja Lumturi Palushi nuk mundi t’u mbijetojë plagëve të marra.
Policia ka nisur hetimet për të dokumentuar të gjitha rrethanat e ngjarjes dhe dinamikën e plotë të konfliktit që përfundoi në vrasjen e 58-vjeçares.
