Protesta e të rinjve në Tiranë është përshkallëzuar gjatë orëve të mbrëmjes, duke sjellë përplasje të forta mes protestuesve dhe forcave të policisë. Situata është tensionuar në segmentin nga Ura mbi Lanë deri në afërsi të Ministrisë së Brendshme.
Lutja e biznesit: Mos dëmtoni sipërmarrjen, qeveria të mbrojë aktivitetin ekonomik
Gjatë zhvillimeve, dritat në bulevard janë fikur, ndërsa protestuesit kanë hedhur fishekzjarrë dhe molotovë në drejtim të efektivëve të policisë. Disa prej tyre kanë shkulur edhe pllakat e gurit nga trotuaret, duke i përdorur gjatë përplasjeve.
Tensionet janë shtuar më tej pas zjarrit që përfshiu një kioskë të mbyllur pranë lulishtes së “Vëllezërve Frashëri”. Flakët janë përhapur edhe te pemët përreth, ndërsa tymi ka mbuluar një pjesë të zonës së bulevardit.
DITA 3! Rama: Nuk dorëhiqem! Studentët vijojnë kaosin: Gurë, zjarre dhe shkatërrim…
Përplasjet kanë vijuar me hedhjen e fishekzjarrëve, ndërsa policia ka përdorur gaz lotsjellës për të shpërndarë turmën. Ndërkohë, protestuesit janë shpërndarë në disa segmente të kryeqytetit, duke e bërë situatën të paqëndrueshme në zonat ku po zhvillohen përplasjet.
