EKSKLUZIVE/ “50 mln ose e shpërthyem…”, gjobvënie në Dibër, ky është sendi që u kërcënua Zija Shulku!

Infonews ka siguruar ekskluzivisht foton e sendit të dyshimtë, i cili u gjet pranë një biznesi në Peshkopi, pas kërcënimit ndaj pronarit të subjektit për pagesën e 50 milionë lekëve ndryshe do ti hidhte karburantin në erë!

Sendi, i cili fillimisht u dyshua se ishte një minë me telekomandë, është ekzaminuar nga specialistët dhe, sipas informacioneve paraprake, nuk rezultoi të kishte lëndë plasëse.

Gjobvënie në Dibër, ky është sendi që u kërcënua Zija Shulku!

Ngjarja ka ndodhur në dalje të qytetit të Peshkopisë, ku pronari Zija Shulku i një biznesi privat një pike karburanti, është kërcënuar se subjekti i tij do të hidhej në erë nëse nuk paguante shumën prej 50 milionë lekësh.

Sipas të dhënave të siguruara, pronari kishte marrë një mesazh kërcënues. Pas verifikimeve, numri nga i cili ishte dërguar mesazhi rezultoi të ishte i lidhur me një kuti picerie.

Pas konstatimit të pakos së dyshimtë, Policia rrethoi menjëherë zonën dhe vendosi një perimetër sigurie, i cili u mbajt nën kontroll për rreth tre orë, me qëllim garantimin e sigurisë së qytetarëve dhe shmangien e çdo rreziku të mundshëm.

Në vendngjarje mbërritën edhe specialistët e çminimit dhe neutralizimit të lëndëve eksplozive nga Tirana, të cilët kryen procedurat e nevojshme për ekzaminimin dhe neutralizimin e sendit të dyshimtë.

Për shkak të situatës, disa subjekte pranë zonës së karburantit u mbyllën përkohësisht, ndërsa qarkullimi i automjeteve u devijua dhe vijoi përmes unazës së Peshkopisë.

Pas konstatimit të pakos, Policia ka nisur menjëherë hetimet.

Në kuadër të hetimeve janë shoqëruar disa persona, ndërsa vijojnë veprimet për dokumentimin e plotë të ngjarjes dhe sqarimin e rrethanave të kërcënimit.