Tre persona janë arrestuar nga Policia, pasi dyshohet se po përgatitnin kryerjen e një atentati. Sipas hetimeve paraprake, të arrestuarit dyshohet se kanë lidhje edhe me atentatet e ndodhura më herët në Sarandë dhe Mirditë.
Kush do vritej? Kontrolle nga Saranda në Kamëz e Lezhë, kapen tre të dyshuar
Operacionet policore janë zhvilluar në disa qytete, konkretisht në Shkodër, Lezhë, Kamëz dhe Sarandë, në kuadër të veprimeve për goditjen e aktivitetit të dyshuar kriminal.
Ndërkohë, hetimet vijojnë për të zbardhur rolin e secilit prej personave të arrestuar dhe për të verifikuar nëse ata kanë qenë të përfshirë në ngjarjet e mëparshme kriminale.
Policia po vijon punën për dokumentimin e plotë të aktivitetit të dyshuar kriminal, si dhe për identifikimin e personave të tjerë që mund të kenë lidhje me këtë çështje.
