Pas bashkëshortit, paraqitet në SPAK edhe ish-ministrja Olta Xhaçka.
Është paraqitur këtë të mërkurë në SPAK edhe ish-ministrja e Mbrojtjes Olta Xhaçka.
Ajo është futur në SPAK pak minuta pasi i shoqi, ish-deputeti i PS Artan Gaçi u largua nga prokuroria e Posaçme.
Pasi doli nga SPAK, Gaçi, i pyetur nga gazetarja Anila Hoxha se përse ishte thirrur, ai nuk bëri asnjë koment.
Gaçi dyshohet për pastrim parash. Hetimi lidhet me transferta të dyshuara parash në disa shtete dhe ka nisur pas këqyrjes së telefonit të një shtetaseje që ka qenë bashkëpunëtore e drejtësie në një dosje tjetër.
Aty janë gjetur komunikime për transferta monetare dhe nuk përjashtohet që në hetime të përfshihet edhe bashkëshortja e ish-deputetit, ish-ministrja e Mbrojtjes, Olta Xhaçka.
