Ish-drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, është paraqitur në Prokurorinë e Posaçme (SPAK), ku është marrë në pyetje për më shumë se 3 orë e 20 minuta lidhur me procedurat e tenderimit të zhvilluara gjatë kohës kur drejtonte institucionin.
Karçanaj mbërriti në ambientet e SPAK e shoqëruar nga avokatja e saj. Gjatë marrjes në pyetje, prokurorët u përqendruan te procedurat e prokurimit publik të zhvilluara nga AKSHI gjatë periudhës së drejtimit të saj.
Thellohet skandali AKSHI! Ja për çfarë u pyet Mirlinda Karçanaj për 3 orë në SPAK
Ish-drejtoresha është nën hetim për dyshime për korrupsion, shkelje të barazisë së pjesëmarrësve në tendera dhe përfshirje në grup kriminal.
Në kuadër të hetimit, ndaj Karçanajt, Gjykata e Posaçme kundër Korrupsionit dhe Krimit të Organizuar (GJKKO) ka caktuar masën e sigurisë “Detyrim paraqitje”.
Hetimet e SPAK vijojnë për të zbardhur dyshimet që lidhen me procedurat e prokurimit në AKSHI dhe për të përcaktuar përgjegjësitë e mundshme ligjore të personave të përfshirë. Deri në një vendim përfundimtar të gjykatës, personat nën hetim prezumohen të pafajshëm./InfoNews.al
