Dokumetet/ EUROSIG dhe INSIG i Kadri Morina, rrisin fitimet dhe nuk japin dëmshpërblime
Primet e sigurimit të detyrueshëm motorik, gjatë periudhës janar-shkurt 2026 arriti rreth 2,381 milionë lekë, ose 3.77% më shumë se në janar-shkurt 2025. Produkti MTPL e brendshme, në janar-shkurt 2026, pati një rritje prej 5.26% të vëllimit të primeve të shkruara bruto. Kjo u shoqërua edhe me një rritje të numrit të kontratave prej 7.93% krahasuar me janar-shkurt 2025. Dëmet e paguara bruto në sigurimin motorik për periudhën janar-shkurt 2026 kapën vlerën 987 milionë lekë, duke pësuar një rritje me rreth 2.32% krahasuar me të njëjtën periudhë të një viti më parë.
Ajo që bie në sy është se për dy muajt e parë të vitit 2026 pra për muajt Janar-Shkurt, rezulton se një nga kompanitë më të mëdha në tregun e sigurimeve Kompania Eurosig, me pronar Kadri Morina, ka një rënjë drastrike të dëmshpërblimeve për sigurimet motorrike. Thënë shkurt, EUROSIG, pavarëisht se rezulton se ka rritur numrin e primeve të shkruara bruto për Sigurimet Motorike, pra ka rritur fuqishëm të ardhurat, rezulton se kur vjen puna tek aksidentet kjo kompani ka rënie të dëmshpërblimeve. Sic shihet në grafikët, e publikuar nga Autoritetit I Mbikqëyrjes Financiare, dukumentet zyrtare tregojnë se këto dëmshpërblime për Janar – shkurt, 2026 janë ulur me rreth 30% në krahasim me periudhën e një viti më parë, pavarëisht se sigurimet janë rritur.
Rënie të dëmshpërblimeve rezulton se ka edhe kompania INSIG, e zotëruar po ashtu nga Kadri Morina, pavarëisht se kjo shumë rënie është e vogël. INSIG, për dëmet e paguara, Produkti MTPL e brendshme ka një rënie më mbi 10%. Kjo do të thotë se kompania EUROSIG dhe INSIG rrisin fitimet me sigurimet e detyrueshme, por dëmshpërblimet po bien ndjeshëm për qytetarët.
Nërkohë për dëshpërblimet për aksidentet jashtë vendit, EUROSIG ka një rënie me 65%. Dëmet e Paguara në Sigurimin Zjarri, Forcat e Natyres dhe Dëmtimet e tjera në Pronë kanë rënie me 56%.
/InfoNews.al
