Vendi në luftë me flakët, Drejtori i Përgjithshëm i Shërbimit Zjarrfikës Arben Cara, jep dorëheqjen! Nuk dihet arsyeja.
Dorëhiqet nga detyra në kulmin e situatës së rënduar me zjarret në vend, drejtori i përgjithshëm i Shërbimit Zjarrfikës, Arben Cara. Burime bëjnë me dije se Cara ka paraqitur dorëheqjen një ditë më parë dhe sot është firmosur urdhri i largimit.
Mbetet e paqartë arsyeja e dorëheqjes në këtë moment.
Cara u komandua në këtë detyrë në shkurt të vitit 2024 duke zëvendësuar Holta Kominon. Nuk dihet ende kush do të jetë pasuesi i tij.
