Një marrëveshje satelitore me vlerë rreth 2.36 miliardë euro, e lidhur me kompaninë hungareze 4iG, është bërë objekt shqyrtimi nga qeveria e re e Hungarisë, ndërsa një investigim i medias investigative Direkt36 ngre pikëpyetje mbi mënyrën se si projekti kaloi nga një nismë shtetërore në një projekt të menaxhuar nga 4iG.
Sipas investigimit të publikuar më 24 shtator 2026, projekti për zhvillimin e një sistemi satelitor hungarez kishte nisur si një nismë e institucioneve shtetërore. Ideja ishte që Hungaria të ndërtonte kapacitete të veta satelitore, veçanërisht për përdorime strategjike, të sigurisë dhe të mbrojtjes. Projekti thuhet se kishte tërhequr edhe vëmendjen e kryeministrit të atëhershëm Viktor Orbán.
2.36 miliardë euro për 4iG, kompaninën mëmë të One Albania: Kontrata satelitore që po trondit Hungarinë
Por, sipas burimeve të cituara nga Direkt36, më pas Orbán vendosi që zhvillimi i sistemit t’i besohej 4iG, kompani e drejtuar nga Gellért Jászai dhe e lidhur ngushtë me elitën politike të qeverisë së mëparshme. Vendimi, sipas investigimit, shkaktoi kundërshtime brenda strukturave shtetërore që kishin punuar fillimisht mbi projektin.
Sipas një burimi të njohur me funksionimin e qeverisë së re hungareze, Ministria e Ekonomisë Kombëtare kishte lidhur tre kontrata me 4iG për shërbime telekomunikacioni dhe vëzhgimi të Tokës.
Kontrata e parë u nënshkrua në vitin 2024, ndërsa dy marrëveshjet shtesë u firmosën pak para zgjedhjeve parlamentare të prillit 2026.
Vlera totale e këtyre marrëveshjeve arrin në rreth 2.36 miliardë euro, ose afërsisht 850 miliardë forinta. Shteti hungarez është angazhuar që këtë shumë ta paguajë gjatë rreth 15 viteve, në këmbim të shërbimeve satelitore.
4iG kompania mëmë e One Albania drejt kolapsit? Parashikimi i Scope Ratings
Pikërisht struktura e kësaj marrëveshjeje ka shkaktuar shqetësime te qeveria e re, e cila po rishikon kontratat e mëdha të lidhura nga administrata e mëparshme me 4iG.
Sipas burimeve të Direkt36, qeveria aktuale hungareze e konsideron marrëveshjen të favorshme për 4iG.
Një nga problemet e identifikuara është vështirësia për ta ndërprerë kontratën. Sipas burimit të cituar nga Direkt36, nëse shteti do ta ndërpriste në mënyrë të njëanshme marrëveshjen, mund të përballej me detyrimin për t’i paguar 4iG-së pjesën e plotë të tarifës së kontraktuar.
Pronari i One Albania merr tatëpjetën pas sulmit të Magyar, aksionet bien me 14.5% brenda ditës
Një tjetër pikë e diskutueshme është fakti se pagesat kanë nisur edhe përpara përfundimit të sistemit satelitor.
Në vitin 2025, qeveria hungareze i pagoi 4iG-së një paradhënie prej 125.188 milionë eurosh, rreth 49 miliardë forinta.
