Një histori e rëndë dhune dhe kërcënimesh është rrëfyer nga Merita Gremaj pas ngjarjes së ndodhur në Roskovec, ku një 52-vjeçar dyshohet se shkeli urdhrin e mbrojtjes dhe u paraqit në banesën e ish-bashkëshortes. Gjatë konfliktit, babai i saj mbeti i plagosur me drapër.
Në dëshminë e saj, Merita tregon se ngjarja ka lënë pasoja të forta psikologjike tek ajo dhe se aktualisht ndihet e rënduar emocionalisht.
“Jam shumë e ngarkuar dhe kam nevojë urgjentisht për psikolog. Më ka dhunuar, më ka përdhunuar. Nuk mundesha më, nuk lëvizja dot. Vetëm më kërcënonte. Çdo minutë më thoshte: ‘Do të vras!’”, rrëfen ajo.
Sipas Meritës, kontakti me 52-vjeçarin kishte nisur me premtimin se do ta ndihmonte të gjente një punë. Ajo thotë se në atë periudhë kishte nevojë për të ardhura për të siguruar ilaçe për familjarët e saj.
“Erdhi me sëpatë, vetëm. Makinën e kishte lënë pak më larg. Bledari më tha se do të më gjente punë. Unë doja ilaçe për babanë, nënën dhe për vete, pasi jam me alergji. Gjithmonë e kisha takuar bashkë me babanë. Më thoshte se do të më gjente një punë dhe unë gëzohesha, sepse do të merrja një rrogë dhe do të mund të blija ilaçet e babait”, tregon ajo.
Merita pretendon se më pas është bindur të hipte në automjet me pretekstin se do të vizitohej nga një mjek. Sipas saj, 52-vjeçari i kishte thënë edhe babait të saj se kishin marrë një ambulancë.
“Më çoi te një doktor dhe më tha se ai do të më vizitonte. Pastaj më mori, më futi në makinë dhe telefonoi babanë. I tha se kishim marrë ambulancën. Por nuk ishte ambulancë. Më çoi në Levan, më futi nëpër ferra dhe më ka përdhunuar”, deklaron ajo.
Ajo tregon se më pas është dërguar te motra e tij, ku pretendon se ka kaluar gjithë natën jashtë.
Në rrëfimin e saj përfshihen edhe pretendime për kërcënime të vazhdueshme me vdekje. Merita thotë se në një moment është dërguar edhe në një varrezë.
Merita Gremaj: Erdhi me sëpatë, erdhi vetëm por makinën e kishte lënë pak më larg. Bledari tha se do të më gjente punë, tha e kam vajzën e hallës dhe mbesën, doja ilaçe për babanë dhe nënën edhe për vete jam me alergji.
Gjithmonë e kam takuar me babanë. Më thoshte do të gjej një punë unë gëzoja se do të merrja një rrogë e do të kisha mundësi të blija ilaçet e babait. Më tha do të të ndihmoj pa interes.
Më çoi tek një doktor, me përparëse, më ta ky do të të vizitojë. Pastaj më mori më futi në makinë dhe telefonoi babanë i tha kemi marrë ambulancën. Por ajo nuk ishte ambualncë, më mori më çoi në Levan, më futi nëpër ferra dhe më ka përdhunuar.
Më pas më çoi tek e motra, ku e kam gdhirë tërë natën jashtë.
Më ka dhunuar, më ka çuar në varreza, më tha ky është vendi yt, këtu do të hysh E merrnin njerëzit dhe i thonin lere të ikë, më thoshte vetëm vdekja. Më çoi në komisariat dhe më mësoi se çfarë duhet të thoja./InfoNews.al
