E pësojnë “gangsterët” e Sarandës! Në pranga Alqi Papa i hotel Oasis, masa edhe për Arjola Dhrami e Xhaferr Bajon e Copacabana
Saranda dhe Ksamil: 11 masa sigurie, pronari i ‘Oasis’ dhe dy policë në pranga! Urdhër ndalimi për pronarët e ‘Copacabana’ dhe kryeinspektorin e IMT-së
Prokuroria e Sarandës ka firmosur 11 masa sigurie të lëshuara për 3 efektivë të policisë, biznesmenë e zyrtarë në kuadër të hetimeve që lidhen me ndërtimet pa leje në zonën e Sarandës dhe në Ksamil.
Deri më tani raportohet se në pranga ka rënë Kristofor Shkrepa, specialit i policisë në Ksamil, efektivi Kastriot Satka dhe Alqi Papa, pronar i hotel ‘Oasis’. Në këtë hotel, Prokuroria ka sekuestruar një kat i dyshuar i i ngritur pa leje mbi tarracën e hotelit 6-katësh në rrugën “Butrinti”, në lagjen nr.1 të qytetit bregdetar.
Masë sigurie është lëshuar edhe për efektivin Irakli Koçiaj, kryeinspektorin e IMT Eduart Veliu dhe për pronarët e beach-barit ‘Copacabana’ të shembur tashmë nga IMT asi nuk dispononte lejen përkatëse, Arjola Dhramin dhe Xhaferr Bajon.
Pikërisht ky beach-bar çoi dhe në shkarkimin e kupolës drejtuese të Komisariatit të Sarandës për shkak se kishin lejuar këtë investim pa leje dyshuar nga grupe kriminale, në këmbim të ryshfeteve, si dhe në shpalljen në kërkim të pronares Arjola Dhrami Bajo. Hetimet zbuluan përfshirjen e shefit të komisariatit të Sarandës, Gëzim Bashllari si edhe tre inspektorë të policisë, Andi Duro, Ajdin Ismailaj dhe Robert Çullaj.
Me akuzat për “Shpërdorim detyre”, “Kryerje të veprimeve arbitrare” dhe “Mosmarrje masash për ndërprerjen e gjendjes së paligjshme”, vepra që dyshohet se janë kryer edhe në raste të tjera, Gjykata e Sarandës caktoi disa ditë më parë, 30 burg për shefin e komisariatit Gëzim Bashllari dhe inspektorin Robert Çullaj. Për dy inspektorët e tjerë të policisë, Ajdin Islamajn dhe Andi Duron u vendos masa “arrest në shtëpi”.
