Një 49-vjeçar është shoqëruar në polici, pasi gjatë ditës së sotme, në një dyqan të kompanisë celulare “One” në lagjen nr 2 në Kukës dyshohet se ka derdhur një sasi benzine.
Më pas u ka bërë thirrje punonjësve dhe klientëve të dalin jashtë.
Menjëherë pas njoftimit, në vendngjarje kanë shkuar shërbimet e Policisë, të cilat bënë të mundur neutralizimin e tij.
Sipas raportimeve jozyrtare, qytetari ishte klient i “One” dhe ka ndërmarrë këto veprime për shkak të mbifaturimit të numrit që kishte në përdorim dhe sorollatjeve që i kishin bërë punonjësit.
Hetimet janë në vijim dhe më shumë detaje priten të zbulohen nga ky rast.
Kompania “One” është kthyer në tmerr për qytetarët. Që kur u bë bashkim i “One” me “Eagle”, sistemi ka pasur shumë probleme. Në shumë raste qytetarët nuk kanë arritur të marrin dot shërbime. Po ashtu, një grabitje që po bëhet është përmes lidhjes së kontratave. Shumë qytetarë, kryesisht të moshuar, mashtrohen që të lidhin kontratë dhe më pas çdo muaj u bëhet presion që të kryejë detyrimet.
