I vihen prangat në Durrës Ergys Agasit
I shumëkërkuari i drejtësisë, Ergys Agasi është arrestuar nga policia pasditen e sotme. Agasi ka rënë në pranga në qytetin e Durresit. Sakaq, rrethanat e prangosjes së tij mbeten ende të paqarta dhe priten të zbulohen në vijim.
EKSKLUZIVE/ Shoferi i Ergys Agasit, kapet edhe Uljan Shpataraku
Prokuroria e Posaçme akuzon Ergys Agasin dhe Ermal Beqirajn se krijuan një grup të strukturuar kriminal për manipulimin e tenderëve të Agjencisë Kombëtare të Shoqërisë së Informacionit, edhe përmes dhunës dhe pengmarrjes. Agasi dhe Beqiraj i shpëtuan arrestimit, ndërsa ish-drejtoresha e AKSHI-t u vendos fillimit në “arrest shtëpie”, por kjo masë i’u hoq nga Gjykata e Lartë afro një muaj më parë.
Biznesmenët Ermal Beqiri dhe Ergys Agasi akuzohen se, së bashku me ish-drejtoreshën e AKSHI, Mirlinda Karçanaj dhe persona të tjerë, krijuan një skemë zhvatje të parave publike përmes dyfishimit të vlerës së tenderave, paracaktimit të fituesve dhe devijimin e miliona erove në llogaritë e një kompanie fiktive, ndërkohë që për “eleminimin” e rivalëve u përdorën anëtarë të krimit të organizuar. Po ashtu, akuzohen dhe për pastrim parash.
