IuteCredit rrit borxhin në tregjet europiane: 140 milionë euro të reja me interes
Në një zhvillim që ngre pikëpyetje mbi mënyrën se si financohet grupi, Iute Group kërkoi të sigurojë deri në 140 milionë euro të tjera përmes emetimit të obligacioneve të reja me interes vjetor 12%.
Më 12 maj, kompania njoftoi se kishte angazhuar banka dhe ndërmjetës financiarë për të organizuar takime me investitorë në kuadër të një emetimi të ri deri në 140 milionë euro. Synimi ishte zgjerimi i financimit përmes tregut europian të obligacioneve me yield të lartë.
I mungojnë paratë…/ IuteCredit nuk shlyen 18 milionë euro obligacione
Operacioni u finalizua në qershor. Sipas Nasdaq, emetimi shtesë prej 140 milionë eurosh e çoi shumën totale të obligacioneve Iute 2025/2030 në 300 milionë euro.
Kjo është veçanërisht e rëndësishme për shkak të kostos së financimit. Norma e kuponit është 12%, çka nënkupton se për një volum prej 300 milionë eurosh, vetëm kuponi nominal vjetor për të gjithë shumën do të ishte rreth 36 milionë euro, nëse të gjitha obligacionet mbajnë të njëjtin kupon gjatë vitit.
Ky zhvillim lidhet me faktin se Iute Group ka një rating B- nga Fitch, ndërsa edhe borxhi senior i siguruar është vlerësuar B-.
I mungojnë paratë…/ IuteCredit nuk shlyen 18 milionë euro obligacione
Peshkaqeni i kredive IUTE Credit ankohet për lajmet: Publikimi i skandaleve na dëmton
Iute Albania po “kreh” shqiptarët me interesa “peshkaqenësh”
Iute Credit fitoi gati 20 mln euro të ardhura vetëm nga komisionet e larta ndaj qytetarëve
Shënim: Martesa me kredi te IuteCredit, alternativa e një jete që fillon me borxh
SKANDALI/ Iute Credit nën hetim! Si çifti mashtrues merrte para në emër të personave në nevojë
Berisha: IUTE Credit dhe Kredo po çojnë qytetarët drejt vetëvrasjes
