Kamerat e sigurisë “fundosin” zyrtaret e Postës! Pamejt tregojnë lëvizjet e thasëve me para nga arka drejt zyrës së drejtoreshës
Pamjet e kamerave të sigurisë janë një nga provat mbi të cilat Prokuroria mbështet dyshimet për përvetësimin e 69 milionë lekëve në Filialin e Postës Shqiptare në Durrës.
https://info-news.al/doganiere-te-perfshire-skandali-ne-posten-shqiptare-elisabeta-mataj-tentoi-te-fshihej-cfare-u-zbulua-ne-tims/z
Në dosjen hetimore përshkruhen me detaje një sërë episodesh të regjistruara gjatë muajve prill dhe maj 2026.
Sipas organit të akuzës, më 2 prill, në orën 15:28, në arkën e filialit mbërrin një thes me para i shoqëruar nga eskorta e bankës.
Pak minuta më vonë, shefja e Financës Valbona Duni e merr thesin dhe e dërgon në zyrën e saj.
Ja si e krijoi skemën Drejtoresha Elisabeta Mataj! 700 mijë euro të zhdukura nga Posta e Durrësit
Më pas, sipas kamerave, thesin e çon në zyrën e drejtoreshës Elisabeta Mataj.
Vetëm pak minuta më vonë, në orën 15:39, drejtoresha largohet nga zyra me një qese transparente, ndërsa po atë ditë në sistem rezulton të jetë prerë një mandat-pagesë prej 5 milionë lekësh për degën postare të Shijakut.
Sipas Prokurorisë, kjo nuk ishte një ngjarje e izoluar.
Pamje të ngjashme janë regjistruar edhe më 14, 15, 20, 24 dhe 30 prill, si edhe më 7, 8 dhe 21 maj.
Në disa raste, sipas dosjes, shihen thasë me para, ndërsa në raste të tjera pako me kartëmonedha të prerjes 5 mijë lekë.
Në të gjitha rastet, sipas Prokurorisë, fondet dilnin nga arka, por nuk provohet se mbërritën ndonjëherë në degët për të cilat ishin përgatitur mandat-pagesat.
Pikërisht këto pamje, të kombinuara me dokumentacionin kontabël dhe deklarimet e personave të përfshirë, konsiderohen nga organi i akuzës si pjesë e provave që mbështesin dyshimet për skemën e përvetësimit të fondeve.
