Qindra qytetarë në Shqipëri raportojnë se po hasin vështirësi serioze në shfletimin e internetit përmes rrjetit të kompanisë One Albania. Përdoruesit thonë se disa faqe të njohura nuk hapen ose shfaqin paralajmërime si “rrjeti nuk është i sigurt”.
Situata është vërejtur në faqe të ndryshme, përfshirë edhe portale zyrtare shtetërore si ajo e SPAK, të cilat në rrjete të tjera funksionojnë normalisht.
Këto shqetësime vijnë pak kohë pasi Autoriteti Kombëtar i Sigurisë Kibernetike (AKSK) ka konfirmuar zyrtarisht se në rrjetet e One Albania dhe Vodafone janë instaluar pajisje të teknologjisë Deep Packet Inspection (DPI). Kjo u bë për të zbatuar vendimin e qeverisë për bllokimin e platformës TikTok, ndërsa pajisjet janë marrë huazim nga autoritetet kibernetike të Izraelit. DPI një teknologji e njohur globalisht për aftësinë e saj për të monitoruar, filtruar dhe kontrolluar trafikun e internetit.
