Erogen Brajoviç I njohur edhe si Erogen Vaso dyshohet sipas policisë së Shkodrës, të jetë, shënjestra e maskarës me dy viktima të ndodhur paraditen e të hënës në Shkodër.
43-vjeçari I cili mbeti I plagosur me tre plumba, në këtë atentat, është vëllai i Denis Bajrit, i cili u ekstradua në korrik nga Dubai me akuzën e vrasjes së Gjin Ndojit në vitin 2020 në Shkodër për llogari të Ervis Martinajt.
Por përveç vëllait të tij, edhe vetë Erogen Brajoviç, rezulton me precedentë të theksuar kriminale në skedarët e policisë së shtetit.
Erogen Brajoviç në vitin 2007-të ai është akuzuar për veprën penale të “shtrëngimit me anë të kanosjes ose dhunës për përfitim të pasurisë”, e njohur ndryshe si gjobëvënie.
Në vitin 2018 ai u arrestua bashkë me 3 anëtarëve të fisit Bajri, pas një askioni të RENEA në Shkodër. Në atë kohë përveç Erogen Brajoviç në pranga ranë Ilir Rustemi (Bajri), Emrah Plaku, ish-kampionin e boksit Astmer Bilali për një sërë krimesh, por u lirua pak më vonë, pasi nuk u provuan akuzat e kërcënimeve dhe gjobvënieve.
Në Qershor 2020 ai u bë subjekt I Operacionit Forca e Ligjit, për deklarimin e pasurisë.
Në vitin 2023, emri i tij doli edhe në një dosje të SPAK, si pjesë e grupit të Bajrave. Në atë kohë u lëshuan 14 masa sigurimi për akuzat vrasje me paramendim, grup të strukturuar kriminal, sigurim kushtesh për vrasje, korrupsion, shpërdorim detyre dhe nxjerrje të sekretit hetimor.
Emri I Erogen Brajoviç përfshihet në ngjarje kriminale edhe në Malin e zi. Atje 43-vjecari është hetuar për veprat penale “Krijim i organizatës kriminale”, “Vrasja e mbetur në tentativë” si dhe “Mbatja pa leje e armëve dhe eksplozivëve. Brajoviç në Malin e Zi dyshohet se është pjesë e një grupi kriminal të drejtuar nga Ranka Raduloviç.
Pista kryesore, ku po hetohet është ajo e një tentative për hakmarrje ndaj Erogen Brajoviç, për shkak të të kaluar se tij dhe të vëllai Denis Brajovic, të akuzuar për ekzekutimin e Gjin Boriçit.
