SPAK godet peshkaqenët që kanë kafshuar vendin! 20 masa sigurie! Arrestohet Orest Sota, në kërkim Artur Shehu e Ilir Shtufi
SPAK ka lëshuar 20 masa sigurie, 15 ‘arrest me burg’ e 5 ‘arrest në shtëpi’, për një grup kriminal të dyshuar për trafik të lëndëve narkotike e pastrim parash. ‘Koka’ të këtij grupi dyshohet se janë vëllezërit Artur dhe Luçiano Koçeku, të cilët drejtonin trafikun e drogës.
Në pranga ka rënë biznesmeni Orest Sota, ndërsa në ‘arrest shtëpie’ është Edmond Jaupi. Në kërkim janë shpallur biznesmenët Artur Shehu e Ilir Shtufi (i lidhur me Shkëlzen Berishën), të cilët ndodhen jashtë vendit.
Artur Shehu është një nga pronarët që posedon pjesën më dërrmuese të tokës në Zvërnec, ku është planifikuar ndërtimi i një resorti luksoz. Në kërkim gjithashtu është dhe Orges Birçaj.
Të gjithë biznesmenët e përfshirë, dyshohet se kanë pastruar paratë e këtij grupi kriminal të ardhura nga veprimtari të paligjshme.
SPAK ka sekuestruar 100 mln euro prona në kuadër të këtij hetimi.
Sipas të dhënave paraprake, në listën e të dyshuarve janë:
* Artur Shehu
* Ilir Shtufi
* Orest Sota
* Orgert Bircaj
* Edmond Jaupi
* Artur Koceku
* Abedin Koceku
* Erion Rama
* Adi Rama
* Dritan Aga
* Baftri Troci
* Gëzim Islami
