Tiranë – Pas goditjeve të forta të SPAK ndaj AKSHI-t dhe hapjes së dosjeve që përfshijnë zyrtarë të lartë të qeverisë, përfshirë edhe zv/kryeministren Belinda Balluku, vëmendja e Organit të Akuzës po zhvendoset drejt një tjetër institucioni kyç të shtetit: Agjencisë Shtetërore të Kadastrës.
Gjatë këtij viti, Kadastra është përfshirë në një valë denoncimesh publike dhe investigimesh mediatike, ku qytetarë, juristë dhe media kanë ngritur dyshime serioze për tjetërsim pronash, falsifikim dokumentesh, zhdukje dosjesh arkivore dhe favorizim të paligjshëm të subjekteve të caktuara.
Dyshime për skema të ngjashme me AKSHI-n
Sipas burimeve nga fusha e drejtësisë, mënyra se si janë raportuar këto abuzime ngjan me modelin e skemave të zbuluara nga SPAK në AKSHI dhe tek skandalet e tjera të shtetit, ku procedura administrative dyshohet se janë përdorur për përfitime private, në dëm të interesit publik.
Veçanërisht problematike paraqitet situata në disa zyra vendore të Kadastrës, ku janë denoncuar raste të ndryshimit të pronësisë pa vendime gjyqësore, si dhe bllokim apo zhdukje dokumentesh, duke lënë qytetarët pa zgjidhje ligjore për vite me radhë.
Prona, pasuria më e madhe në rrezik!
A do të veprojë SPAK?
Deri më tani, SPAK nuk ka bërë publik informacione për hetimi të centralizuar për Kadastrën, por sipas informacioneve të InfoNews, SPAK po rrit ndjeshëm verifikimet lidhur me Kadastrën. Pas precedentëve të AKSHI-t dhe dosjes Balluku, pritshmëritë janë që drejtësia të mos ndalet.
Pyetja që shtrohet gjithnjë e më shpesh është:
A do të jetë Kadastra institucioni i radhës që do të goditet nga SPAK?
vijon….
