SPAK ka marrë të pandehur kryebashkiakun e Kolonjës, Erion Isai, në një dosje që lidhet me manipulimin e tenderave publikë dhe falsifikimin e projekteve infrastrukturore.
Hetimi përfshin tenderin për ndërtimin e një ujësjellësi dhe projektin e rrugës Korçë–Ersekë, ku janë proceduar gjithsej 8 persona, përfshirë administratorë kompanish private.
Në dosjen hetimore të SPAK janë zbuluar biseda të zhvilluara në WhatsApp mes Erion Isait dhe administratorës së kompanisë “A & E Engineering”, Entela Çano.
Përveç diskutimeve mbi reduktimin e parametrave dhe përgatitjen e dokumenteve, në komunikim shfaqet edhe një element i pazakontë.
Në një nga mesazhet, Entela Çano shkruan:
“Me 5 aspra tha ai do verë të mirë miku… shprehje gjermane.”
Kjo fjali ka ngjallur dyshime mbi ekzistencën e një personi të tretë, të cilit i referohet si “miku”.
Erion Isai dhe personat e tjerë të proceduar përballen me akuzat për shpërdorim detyre, falsifikim dokumentesh dhe shkelje të ligjit për tenderat publikë.
Hetimet e SPAK pritet të përcaktojnë jo vetëm mekanizmin e manipulimit të tenderave, por edhe rolin konkret të “mikut” të përmendur në SMS-të e administratores Entela Çano
