Gjykata e Tiranës ka caktuar masën e sigurisë “arrest me burg” për Flodian Plakun, i njohur edhe me mbiemrat Mamo dhe Serjani, i akuzuar për vrasjen e Gentian Bejtjas.
42-vjeçari u arrestua dy ditë më parë nga forcat operacionale në Orikum, ndërsa ditën e sotme u paraqit përpara trupit gjykues ku ka mohuar akuzat.
“Nuk kam lidhje me ngjarjen, policia erdhi tek unë sepse kam përdorur një automjet tip Golf para 10 ditësh,” është shprehur Plaku në sallën e gjyqit.
Ai u përfaqësua nga avokati Edvis Gorishti, i caktuar kryesisht nga gjykata, i cili kërkoi një masë më të butë sigurie për klientin e tij. Megjithatë, kërkesa u refuzua nga gjyqtari, duke lënë në fuqi masën e “arrestit me burg”
