Vila, jahte, tokë e miliona euro! SPAK sekuestron 39 pasuritë e Ergys Agasit dhe Ermal Beqirit
Prokuroria e Posaçme, SPAK, ka vënë sekuestro mbi pasuritë e të dyshuarve si krerët e grupit kriminal, Ergys Agasi dhe Ermal Beqiri, si dhe disa të dyshuarve të tjerë.
Emisioni “Në Shënjestër”, publikoi detaje nga aksioni i SPAK, ku mësohet se 29 pasuri të sekuestruara i përkasin Ergys Agasit dhe ku bëhet fjalë për apartamente, vila dhe sipërfaqe toke, në zona të preferuara të Tiranës dhe Durrësit, shtatë llogari bankare dhe kompania AE SOLUTION.
Ndërsa, Ermal Beqirit i janë vënë nën sekyestro 10 pasuri të paluajtshme, përfshirë dhe një jaht luksoz, llogaritë e kompanisë “Soft&Solution”, 8 automjete dhe llogaritë e vetë Beqirit.
Ndërsa, kompanive “FIRST” e Gëzim Hoxhës; “Fasttech” dhe “Fasttech&Fresh” e Andis Papas, dhe asaj “Albascan” të Elision Jorgjis u janë bllokuar fondet.
Ergys Agasi dhe Ermal Beqiri, sipas prokurorisë, urdhëronin rrëmbimin e rivalëve dhe nën kërcënim i detyronin të tërgiqeshin nga tenderat.
“Ekzistojnë dyshime të arsyeshme të bazuara në prova, të cilat të analizuara në harmoni me njëra-tjetrën, bëjnë të besohet fakti se ajo ka përfituar në mënyrë indirekte nga Arjola Koromani (nëpërmjet Daniel Shimës, ish-nëndrejtori i AKSHI-t) shumën prej 200 mijë eurosh”, thotë SPAK.
SPAK thotë se Karçanaj në disa raste ka marrë kuti vere të mbushura me kartmonedha euro me prerje 100, 200, 500, si dhe ka përfituar nga persona të tjerë të lidhur me shtetasit Ermal Beqiri dhe Ergys Agasi.
“Përmendim blerjen e 3 pasurive të paluajtshme, dy në Tiranë dhe një në Qerret, me qëllim favorizimin e Soft-Solution apo dhe kompanive të tjera, në procedurat e prokurorimit të zhvilluara nga institucioni që ajo drejtonte, Agjencia Kombëtare e Shoqërisë së Inforemacionit, AKSHI”, thotë SPAK.
Gjithashtu mësohet se janë bllokuar edhe 9 llogari bankare të ish-drejtoreshës Karçanaj dhe hetimi është në proces. Ky operacion sekuestrimesh rrëzon pretendimet e ish-drejtoreshës së pandehur për banesën me qira apo se ishte e pastrehë.
