Rrahën kamarierin, lihen në burg djemtë dhe dhëndri i pronarit të Flar Boutique Hotel
Gjykata e Durrësit ka caktuar masën e sigurisë “arrest në burg” me afat 45 ditor për dy personat që dhunuan kamerierin 18-vjeçar në Mal të Robit, Golem.
“Dua lekët e mija…”/ Si nisi sherri te Flar Boutique Hotel! Burime: Kamarieri qëlloi me gotë…
Njëri nga pronarët e hotelit Florian Habilaj dhe shoku i tij E. Dragoti, të arrestuar nga policia e Kavajës akuzohen nga prokuroria pir plagosje të rëndë me dashje.
Ndërkaq në orën 12:30 pritet të zhvillohet masa e sigurisë për Melson Nelën, xhaxhain e kamerierit, Genti Nela, që u kap me një kallashnikov dhe 3 karikatorë në automjet. Sipas policisë, ai po shkonte të hakmerrej ndaj dhunës së ushtruar mbi nipin i cili u përfshi në konflikt për pagën me vëllezërit Habilaj, bashkëpronarë të hotelit.
Si ndodhi ngjarja:
Një konflikt për pagesën e punës përfundoi me dhunimin e një kamarieri 18-vjeçar dhe rrezikoi të përshkallëzohej në një përplasje me armë zjarri.
Sipas hetimeve paraprake, Genti Nela, 18 vjeç, i cili punonte si kamarier në një hotel në Malin e Robit, u dhunua pas një konflikti lidhur me pagesën.
Për ngjarjen janë arrestuar Florian Habilaj, 28 vjeç, dhe Enold Dragoti, 20 vjeç, ndërsa Arbër Habilaj, 36 vjeç, është shpallur në kërkim. Personat e dyshuar janë pjesëtarë të familjes së pronarit të hotelit ose persona të afërt me ta.
Si u rrah kamarieri te Flar Boutique Hotel në Golem! Pronarët nuk i dhanë rrogën
Pas dhunimit, 18-vjeçari u dërgua në Spitalin e Kavajës për të marrë ndihmë mjekësore.
Situata mori një tjetër kthesë kur xhaxhai i të riut, 47-vjeçari Melison Nela, mësoi për ngjarjen dhe, sipas policisë, u nis drejt hotelit i armatosur, me qëllim hakmarrjen.
Biznes elitar në Golem! Pronari nuk i jep pagesën dhe rreh kamarierin, xhaxhai shkon për t’i vrarë
Policia e ndaloi pranë hotelit dhe gjatë kontrollit në automjet i gjeti në një çantë një kallashnikov, 3 karikatorë dhe 84 fishekë luftarakë. Ai u arrestua për armëmbajtje pa leje.
Ndërkohë, hetimet zbuluan se pas konfliktit vendngjarja ishte pastruar dhe kamerat e sigurisë ishin dëmtuar, pasi DVR-ja ishte hequr dhe kabllot ishin prerë.
Gjykata e Durrësit ka caktuar “arrest në burg” me afat 45 ditë për Florian Habilajn dhe Enold Dragotin, të dyshuar për plagosjen e rëndë me dashje. Hetimet vijojnë për të zbardhur të gjitha rrethanat dhe rolin e personave të përfshirë.
