Policia vijon hetimet për identifikimin dhe kapjen e dy autorëve që ekzekutuan Artan Myrtajn në qendër të Sarandës, i njohur edhe me nofkën “Tani i Rruzhdiut”.
Ngjarja e rëndë ka ndodhur në zonën pranë ish-agjencisë, ku Myrtaj u qëllua me armë zjarri. Në vendngjarje, grupi hetimor ka sekuestruar 16 gëzhoja, të cilat dyshohet se janë përdorur nga dy armë të ndryshme.
Vrasja e Tanit të Rruzhdiut në Sarandë i çon hetuesit në Kamëz
Hetimet për zbardhjen e plotë të atentatit po drejtohen nga një grup i posaçëm hetimor i Seksionit për Krimet e Rënda në Drejtorinë Vendore të Policisë Vlorë. Deri më tani, autorët nuk janë identifikuar dhe vijojnë kërkimet për gjurmimin e tyre.
Myrtaj ishte liruar nga burgu vetëm pak javë para ekzekutimit. Ai ishte arrestuar në korrik të vitit 2025, pasi dyshohej se ishte i përfshirë në një ngjarje ku Ramadan Zoto plagosi dy të rinj nga Kamza.
Ekzekutimi i Artan Myrtajt në Sarandë, çfarë dihet për autorët
Sipas të dhënave të hetimit për atë ngjarje, konflikti kishte nisur për shkak të një përplasjeje lidhur me prona në zonën e bregdetit.
Policia po vijon mbledhjen e provave dhe analizimin e pamjeve të kamerave të sigurisë në zonën ku ndodhi atentati, ndërsa po hetohen edhe rrethanat dhe motivet që mund të kenë çuar në ekzekutimin e Myrtajt.
