TIRANË – 22 shtator 2026 – Një zhvillim i ri po shoqëron aksionin e SPAK-ut ndaj drejtueses së Shërbimit Informativ të Shtetit, Vlora Hyseni, ndaj së cilës Gjykata e Posaçme ka caktuar masën e sigurisë “arrest në shtëpi” dhe pezullimin nga detyra.
Drejtoresha e pezulluar e Shërbimit Informativ të Shtetit, Vlora Hyseni, raportohet se është ndaluar në pikën kufitare të Vërmicës, në Kosovë, pasi ndaj saj është caktuar në Shqipëri masa e sigurisë “arrest në shtëpi”.
Lajmi është raportuar nga mediat në Kosovë, ndërsa sipas raportimeve pritet që Hyseni të procedohet për t’u sjellë në Shqipëri, ku do t’i komunikohet masa e sigurisë e vendosur nga GJKKO.
Më herët gjatë ditës, SPAK bëri të ditur se GJKKO ka vendosur ndaj Hysenit pezullimin nga detyra dhe arrestin në shtëpi. Masa u vendos në kuadër të hetimit për dosjen “AKSHI”, ku në fokus është edhe biznesmeni Ergys Agasi.
Spiune te grupet kriminale, ndalohet në Kosovë Vlora Hyseni, pritet t’i dorëzohet SPAK
Hyseni dyshohet për “përkrahje të autorit të krimit” dhe “zbulim të akteve ose të dhënave sekrete”. Hetimi drejtohet nga prokurorët Altin Dumani dhe Bledar Maksuti.
Gjatë operacionit të sotëm, SPAK dhe BKH kryen kontrolle edhe në banesën e ish-drejtorit të Përgjithshëm të Policisë së Shtetit, Ilir Proda, si dhe në banesa të personave të tjerë.
